*alia & nada*

  

 

 

 

  

 

 

 

 

 

 

 معليش على الخبصة بس حنا وجه فقر 

يعني اللي اول مرة يشوف السبيس يتخيل الاموشنز والحركات الثانية

في مكانها

 

 

.. تقبلوا حبي

 

اهلين.. كيفكم..

واخبار كأس العالم معكم وهزيمة السعوديه؟!

   انا ماادري وش اقول بس البلوق هذا منزلته بمناسبةملكة اخوي

                                 سعود الأسبوع اللي فات

     جلست لي 4 ايام ادور كلام عن الاخوه بلطه هنا بس ماش مالقيت كلام يعبر عنه

     ويليق بقدره وبما اني جدن فاشله في التعبير والنحو والللغه العربية

      بشكل عام  .. غصبت اللي اعرفهم يكتبون عنه 4_5 اسطر .  

ناس كتبوا  وهم مايدرون وش السالفه <<< وهذولي احبهم واللله يخليهم على ماهم عليه

وناس قلتلهم اكتبوا من 4_5 اسطر وكتبوا معروض << طراره وتتشرط

وناس اكتبوا بس طلعوا رسمين مو على طبيعتهم

وناس كتبوا الله يعافيهم بس انا دلخه ماحفظته 

وناس قالو نستحي ولا نقدر نكتب شي

كان ودي احط صورته بس هو حالف علي مااحطها علشان كذا بحط صورة بندر الفيصل

<<< نفس البوهه والبياض الا ان اخوي ازين << وانا صادقه

(صورته بتطلع في مجلة ليالينا العدد الجاي)

واغلب الجرايد نزلت تهنئه له

 

 

اتركم الحين مع كلامهم..

تبوله << احبتس

هلا وغلا بولد عمي اللي ما اشوفه...صراحه ماهقيتها منك تتزوج وحده غيري بعد اللي

ضحينا انا وياك فيه..<<بتخرب حياته..واخيراً ولد عمي الرزه لقى حبة الرزه اللي تسعده

وكمل نصف دينه..امزح امزح سوي نفسك ماقريت شي ..بس كنت بقولك:ألف ألف

ألف ألف ألف ألف مبروك الله يسعدكم..ويهنيكم..ممنك المال ومنها العيال..بس لاتكثرون الله

يخليك هماه؟.. يعني حرام تجيبون اطفال وتربونهم فحديقة الحيوان(الوطن الغالي)..

ندى << اه ياناس

بأول يوم شفت فيه عليا وتعرفت عليها.. اول شي تكلمنا عنه انتم.. خخخخخ قامت البنت

تسولف لي عن ااهلها وحياتهم.. عرفت كل شي عنها من اول يوم.. طبعا  انا ما قصرت عطيتها

كل شي عني .. زاد اعجابي بهالبنت .. مدري ليه.. يمكن من تعلقها الشديد فيكم .. حياتها ..

اسلوبها.. مدري بس حسيت اني اعرفها من زمان.. استمريت معاها وصارت صديقتي ..

كانت دايم تسولف عنك يا سعوود.. مو  لانك اخوها بس.. لا من مواقفك معاها حتى لو بإبتسامه

منك..احس تبعث فيها روح من جديد..لما كنت تسافر .. تقولي يالله سعود بيسافر ..

بيطلع البيت كئيب .. اقولها عندك باقي العائله الكريمه ما يقصرون..  تقول لا..

سعود غير ( تقولها بطريقه غريبه كأنوا ماراح تشوفك مره ثانيه )

 

في فتره خطوبتك .. كانت عليا تقولي يالله مو قادره استحمل فكره انو سعود خطب.. وشلون لو تزوج..

تقولي : بقدر ما انا فرحانه عشانه.. ومره مبسووطه ومتحمسه ابي اشوف شكل عياله كيف بيكون ..

بقدر ما انا مو قادره اتخيل البيت بدونه.. بفقده مرررررره..

تقولي سعود حقنا>> خنقتني العبره لما قالتي لي كذا عليا..

عن جد ما ادري وش اقول عنك يا سعود لكن بقدر ما كنت تسعد عليا بسواليفك وحركاتك

و اصلا كفايه احساسها انك جنبها لو احتاجتك.. هذا شي كثير اقدره واحترمه فيك..

الله يسعدك يااااااااارب وتتهنى بحياتك..انت و حبيبتك.. ويارب تكون ايامك كلها سعاده وفرح

<<<هذا وانا قايله 4 سطور لوني قايله صفحة وش بتكتب

هج هج << هع الله مازين التدليع

ابن خالتي الحنونة <==== خالتي مو أنت

السلام عليكم

في الحقيقة أعطتني علياء فرصة لأكتب مايجول في خاطري بمناسبة انتقالك إلى مرحلة

جديدة في الحياة ..فأتمنى من أعماق أعماق القلب انو يوفقك الرب في كل خطاك بعدد المرات

اللتي كنت فيها حبيسة مقلط أمي نورة .. وأدعوه أيضاً أن يجعل السعادة لا تفارق محياك بعدد ماتكنه

لك أختك علياء من محبة وتقدير ..

أدام الله الود بينكم

منك المال ومنها العيال ومبروووك ألف مبروووك

---

علياء تكفين لاعاد توهقيني بأشياء مثل كذا .. ترا ما أعرف :(

<<<ماعرفتك طالعه شخصيه

 

غيدونه << مابغيتي تكتبين

اهليين .. والله وبيتزوج خالي سعود ..

.. الله يوفقه .. ويهنيه .. ويسخر له ..

اكيد راح ينفقد .. يمكن ما راح افقفده كثر عليا او عبدالله او احمد او ماجد <<  ماتلحظين صفيتي كل اخواني

.. يالله عقبال ما نرقص في زواجك يا عليا .. اهئ اهئ << يقالها متأثره ..

<< هذي اربع سطور يا عليا ..

والله ما اقوول .. الا يا حظك يا فلانه << تخاف يزعل خالها ..

والله عرفتي من تحبين .. و من تختارين .. الله يوفقكم .. وعقبال ما نشوف غيدا بينكم انشالله << هذي بنتهم الاولى انشالله ..

من بؤقك لباب السماء >>>

هدهد << احوبك

شحشح (اسم الدلع حقه) ، اول شي مبرووووك ! وكلولولولولولولووووش .. والله يوووفقكم ويسعدكم يااارب :

ثاني شي خذ ذا القطعه واستخرج المنسوب والمنسوب إليه إن وجد ، وإن لم يوجد فقط تأمل في معانيها :

لا يسعني في هذه المناسبه الا ان اتوجه إلى الأهل جميعاً مقدمةً إليهم أزكى التهاني . . .  واخلص الامنيات لك

ولزوجتك المصوون  والتي ارجوا ان تنوب عني بتقديم احترامي وتحياتي القلبيه المخلصه لها ..

      نسأل الله لكم السعاده والرفاهيه في ظل الحياة الزوجييييه ..

          بالتووووووووووفيق شُح شُح

          سلاماتي و حلاواتي و وكل ماجاء على وزن اتي

<<< متاثره بنحو ثالث الله يقلعه

توتو<< وهـ بس

كتبت كلام حلو بس انا دلخه ماحفظته (بليز توتو اكتبيه كومنت) 

اخيرن وليس اخرن..

<<< لا يجيني احد مدرعم يقول ماتنكتب كذا

(علشانك نجلاء)

 

 

 

مااصعبها من كلمهٍ ننطق بها .. ومامنُــــا من احد لم يذق مرها ..ويحس بألمها..

ويبكي دماً ودموعاً منها .. ويتفطر قلبه من أجلها ..

أنها كلمة الوداع ..

نعم كلمة (الوداع)..

لم أكن أعي ماترمي اليه كلمة الوداع !!! لم أفهم معناها

وأسال لماذا؟؟؟ لماذا؟؟؟ مامعنى هذا ؟؟؟ و.. و...

حتّى كان ذلك اليوم الذي عرفتُ فيه أجوبةً لأسألتيً

لماذا يفترقون  ؟؟؟ لماذا يقولون " منك المال ومنهاالعيال"  ؟؟؟

كنتُ أراه صديقاً لي بالرغم من فارق السن بيني وبينه ...كنتُ أراه أباً لي و لأخوتي ايضاً..
كان يحبنا ويرعانا..
و كان هو ملـجأي..

كان رحيماً معي،،، إن اخطئت نصحني وان اصبت كافئني

كل من عرفه أحبه ،، فبطيبة قلبه ملك قلوب الصغار قبل الكبار

لن أنسى جميلك لي مهما طالت الأيام والسنين فجميلك لي قد فاق تصور الجميع..

 

 

أدعوا لابوي اللي تمنى انه يشوف هذي الحظة..

..وأدعوا أن الله يوفقة ويرزقة الذرية الصالحة

 

 

 

 

 

 

 

 

 

 

 

 

 

 

 http://alzaeemnetwork.com/saudi/song/3ashtbelade.rm

 

>>>>>>>>

رجاااء افتحوا هالراابط لو سمحتوا.. لأنو إلي يبي يخش جو مع الموضوع

 

 يسمع هالأغنيه لأنو ما عرفنا كيف نحطها بالبلوووق >>> ينرحمووووووووون

 

 

..وطني

.. (أنا .. (جزء

.. من كل ماهو منتمي اليك

.. هذا ماأردده ياوطني كلما حل ذكراك

.. سأعشق الكره وأمتهن التشجيع

.. لأجلك وحسب ..

.. سأترقب جولاتهم ويندفع قلبي مع كل هجمة ورمية لأجلك

.. سأطرب لكل نقطة تسجل بأسمك

وأضل مترقبة لنصرك

.. وطني

!! إن كانوا يرونها رياضة

.. فأنا احتسبها مجد يضاف إلى مجدك

.. يستحق أن يجتهد من أجله أبنائك

.. كلُ بطريقته

.. وطني

أعتدت مني المساندة وأعتدت منك السمو والرفعة

سأبقى كما عهدتني وكلي ثقة أني ساجدك كما عهدتك

 

 

 

ملطوووووووووووش من الاقلاع

 

 

 

 

 

قلوبنا معكم ..ودربكم اخضر

 

 

علمن ياصلكم ويتعدكم اذا فازت تونس عليكم بشجعها<<< اوخص ماتلعب

هلاااااااااااااااااا

 

 

>>> مرتاعه البنت ترى >>> اول مره تكتب بلووق بحياتها  >>> مسكينه

 

 

 

ههههههههههههههههههههههههه

 

 

يا ربي والله مو مصدقه ,, وخيرا علوشتي انولد ولدنا >> لا احد يفهم غلط قصدي سبيسنا طلع مدري طل على النور ..

 

 

الا كيف الحال يالحبايب .. ؟  >> بدري

 

 

والله انه يوسع الصدر هالسبيس يعني فعلا لا طفش مع السبيس الجديد .. لأنك بتقعد تنشب تصلح فيه وتعدل وتخذف وتزرف من هنا ومن هناك >> ما تلمح انهم يحللونها.. الي ما ادري حتى مين هم ..

 

 

عالعموم عالبركه الإجازه  يالي عطلوا

 ويا رب يكون ((صيييييف ولا أحلى مع سبيس ندى وعليا))  >> يمديكم عالدعايه

 

ان شالله ان شالله ماراح نترك شي ما كتبناه.. في جعبتنا سوااالييييييف والله رجه بقووووووه .. قسم اشياء تصير معي انا وعلوووش بالجامعه بدع استغفر الله ..>>> قريبا جدا جدا سوف تتسدحون من الضحك ..

 

 

بس والله فيه شي قاهرني .. >>> بدأ الجد ترى ..

 

يعني المفروض يكون الصيف وناسه وهستره وسعاده وفرح  ..

 

يعني قسم حنا البنات نرحم.. >>

كل صيف نفس المشكله

 

ونفس الهــــمّ

 

ونفس الجمله

 

 

((( ابي فستااااااااااااااااااااااااان )))

 

 

وكل سنه عن سنه يطلع الذوق العام اشين ومره قرف ..

 

مدري حنا الي صار ما يعجبنا شي>>>ايلي صعب جا خطبها امس ..

 مدري اصحاب المحلات ما عندهم ذووق ..

او يمكن كل الناس قامت تتكشخ وتتزين بزيادة ..

 

عن جد ما ادري ..

 

انا الحين مو لايقه فستان البسه في زواج واحد .. وشلون 3 او 4 زواجات وكلها نفس العاائله ونفش الخشش كل مره >>> خشش جمع خشه (( ادري نصكم ما فهمها بس عدوها ))

 

 

يعني  يبلي درزن فساتين ..

 

والله لو اني لاقيه كان ماشكيت الحال

 

بس المشكله ما خليت ولا متر بالرياض ما رحت له

عن جد اشياء تقرف إلي ما ينقرف..

 

وإذا .. انا اقول اذا لقيت شي عجبني ويجنن ألقى كل الناس عليها زيه >>>> ولا طقم بيالات..

 

 والله شي يقهر ويخليك تولع !!

 

قالو روحوا لبنان فيها اشياء تجنن

 

رحنا وشرينا وطقينا ذيك الألووف وحنا نضحك>> ايه هين

 

تلبسه كم مره بعدين تلقاه متسدح بأسواق الرياض

وبقوه بعد >>> بغيت اصيح لما شفت الفستان نفسه بالضبط معروووض ..

 

قلنا مالنا غير نخترع حنا فساتينا ..

 

قمت احوس  والقط  من النت و مع الجولات والصولات الي سويتها  طحت لكم على مجموعه فساتين .. ولا احلى

 

والله وسعت صدري عليهم .. وش ذا الهم عافنا

 

شي بدع هستره مو طبيعيين ..

 

 

 

شوفوا هذا .. الأكماام لو سمحتوا  تجنن صح >>> بتصيح

 

 

 

 

ولا هذا.. قسم يحمس اشجع المنتخب فيه .. والله اطلع شي خخخخخخخخخخخخخخخخخ >> كأنها شجرة طاقتها شمس الرياض الين قالت امين..

 

 

 

 

 

اخر موضه فستان بجيب .. فرصه لاتفوووت .. عشان توزون فيه الحلووويات الحقوا يا بنات >>> يا زينك ساكته بس ..

 

 

 

خخخخخخخخ مين انسرق من عنده بيز ؟؟

خخخخخخخخخخخخخخ

الحمدلله والشكر هذا فستاااان >>>لاتفوتكم الفرقه بشعرها ..

 

 

 

احللللللللللفي .. قولي قا ..>>> شخابيط اخوي اصرف..

 

 

 

 

 

ههههههههههههههههههههههههههه

 

ها وش رايكم ..

قسم شي يضيق الصدر .. يعني تروووح الإجازه كلها على (( هالفساتين ))..

 حتى بالسفر لازم اول شي ادوره (( فساتين ))

 

والله انكد على امي وابوووي الين ما يدورون معي .. قسم تتنكد السفر كله من (( هالفستان ))..>> الله يأخذه ويأخذ الساعه الي اخترعوه فيها في ليله ما يدري عنها الجني الأزرق ..

 

ياليتنا نلبس ثووووووووووب وغتره والسلام .. واتحدى احد يدري اذا جديد وولا لأ..

 

 

يا حظكم يا الأولاد والله مرتاحين .. >> تف تف مشالله ..

 

 

 

عشاااااااان كذا  لو سمحتوا كل وحده تسوي زواجها في بيتهم .. عائلي .. >> والله اصرف ...

 

وإلا لا تتزوجون >>> قولي قسم ..

 

 

اه بس يا ربي ساعدنا .. وخذ بيدنا وودينا لأقرب محل فيه فساتين تعجبنا ..

 

 

>>>>>>>>>>>>>>  والله ضاق صدري .. باااي